“Een Sabbat-oggend, 01:30 val ek voor Pappa se voete neer in my bidkamer. Ek vra: 'Abba, wat is tog die nut van gebed as niks dan gebeur nie?'

Heilige Gees bedien my daar op my knieë en hernude krag vloei deur my binneste. Later, toe ek Pappa se huis binnetree is die tema van die onderrig: 'Hoe lyk jou gebedslewe?'

Wow! Abba het ons boetie Louis voorberei om ons uit die stof te haal en weereens te beklemtoon dat ons gebedslewe ʼn baie ernstige saak vir Hom is!

Wat ʼn voorreg om aan ʼn geestelike familie soos Houtkruis te behoort! ʼn Familie waar ons nie versuim om die onderlinge byeenkomste te onderhou nie, ʼn familie waar ons Abba se woord bestudeer en waar sy woord die hoogste outoriteit dra en meer as alles: waar ons ʼn huis van gebed is!

Ek voel so geliefd en spesiaal tussen ons Houtkruis-familie en is so geseënd om ʼn veilige geestelike heenkome te hê.”