top of page
Search

Vas in kettings – No. 2

A man sitting whose arms and hands are chained

Vasgevang in 'n Onmoontlike Situasie

Ons het in die vorige blog gesien dat Herodes, nadat hy Jakobus doodgemaak het, ook vir Petrus gegryp en in die tronk gesit het om na die Paasfees tereggestel te word. Herodes was so ernstig daaroor om Petrus die volgende dag dood te maak dat hy selfs vier wagte (twee-twee om die beurt) gekry het om Petrus in die tronk dop te hou, met sy voete en hande vasgeketting.


Net so is die vyand vandag nog besig om alles in sy vermoë te doen om my, jou en elke kind van Abba Vader wat gevul is met die Heilige Gees te verhinder om vry te kom.


Die vyand sal alles doen om Yeshua se hande en voete te keer om verder te doen waarvoor Abba Vader ons geroep het. Dit is die vyand se wil om ons van die Waarheid af weg te hou en ons vas te sluit met soldate langs ons.


Die vraag is: Is jy ook vandag so vasgevang in slawerny deur die vyand en deur omstandighede in jou lewe? Dit voel asof jy nie eers kan asemhaal nie, want die vyand sal alles doen om te verhoed dat jy doen waarvoor Abba Vader jou geroep het. Petrus was vasgevang, toegesluit onder geweldige sekuriteit. Hy sou nêrens heen gaan nie, behalwe om die volgende dag doodgemaak te word.


Net so leer Abba Vader se Woord ons dat die vyand ons in 'n geestelike tronk wil hou en dink hy het ons vas in kettings ... ons Yeshua-voete, ons Yeshua-hande. Hy verklaar: "Jy gaan nêrens nie!"

Die vyand sê verder: "Jy dink jy het hierdie roeping van Abba Vader ... om te preek, of om hande op siekes te lê, of om 'n profeet of 'n evangelis te wees? Maar weet jy wat jy het? ... Jy het 'n tronk, jy het kettings! Jy is vas!"
A dramatic and inspiring scene inside an ancient prison cell: A man dressed in biblical-era clothing sits on the cold stone floor, his hands and feet bound in heavy iron chains. A dim ray of light streams through a small barred window, casting a sense of hope and deliverance against the dark and gray prison walls. Two Roman guards, clad in old armor and cloaks, stand watch near the cell door. In the background, an ethereal glow hints at a divine presence, suggesting an impending miracle. The atmosphere blends despair and divine intervention, symbolizing faith in impossible situations.

Onmoontlike Situasies

Voel jy vandag so? Voel dit vir jou asof dit wat so in jou brand om vir Abba Vader te doen, onmoontlik is? Dit voel so "far-fetched". Ek bedoel, jy het soldate om jou, jy het twee kettings aan jou, jy is in 'n tronksel en daar is nog twee ander deure. Dit is in die natuurlike 'n onmoontlike situasie! Jy is vas en dis jou lot! 'n Onmoontlike situasie! Let wel, 'n onmoontlike situasie in die natuurlike is normaal vir 'n kind van Abba Vader.


Iemand het onlangs vir my gevra: "Roelf, as Abba Vader ons so lief het en so groot en kragtig is, hoe kan Hy toelaat dat daar sulke onmoontlike situasies in kinders van God se lewens opduik?"


Dalk wonder jy ook vandag. Jy sit in 'n onmoontlike situasie by die werk, by die kerk of in 'n verhouding met iemand, en dit lyk donker.

A woman sitting with hear head in her hands, looking distraught.

Dit lyk asof jy vas is soos Petrus, en jy het dalk dieselfde vraag?


Dit is donker, dit is nag, en jy wil amper sê: "Ek het nie meer hoop in hierdie onmoontlike situasie in my lewe nie." Voel jy so? Ons almal kom een of ander tyd op 'n plek waar ons nie weet waarnatoe nie en waar ons hopeloos voel. Maar Abba Vader se Woord leer my: "Abba Vader doen Sy beste werk in aansienlike, onmoontlike en vreesvolle situasies!"


Wanneer ons Abba Vader se Woord bestudeer, sien ons baie kinders van Hom wat onmoontlike, vreesvolle situasies beleef het. Trouens, ek kry nêrens in Abba se Woord iemand wat getrou saam met Hom gestap het, wat nie eers in sy lewe 'n onmoontlike en vreesvolle situasie gehad het nie! Onthou, Petrus was vasgeketting en Herodes wou dieselfde met hom doen as met Jakobus – hom stilmaak.


Kyk na ander kinders van Abba Vader wat in onmoontlike situasies beland het:

  1. Josef is in 'n put gegooi, verraai en deur sy broers verkoop – 'n onmoontlike, hulpelose situasie!

  2. Moses en die Israeliete was vasgevang voor die Rooi See met die gevaarlikste leërmag in die wêreld wat in hul nekke blaas – 'n vreeswekkende situasie.

  3. Gideon moes met 300 manne veg teen 300 000.

  4. Dawid moes teen 'n reus van oor die drie meter lank veg.

  5. Ester het 'n koning in die gesig gestaar wat haar volk wou uitwis.

  6. Daniël is tussen leeus gegooi, sy vriende in 'n vuuroond.

  7. Jona het in die verkeerde rigting gevlug en homself in 'n walvis se maag bevind – 'n onmoontlike situasie!

  8. Yeshua se dissipels het 5000 mans sonder kos gehad om te voed.

  9. Lasarus was dood en Martha en Maria was in 'n hartseer, onmoontlike situasie.

A powerful and inspiring digital illustration showcasing biblical figures overcoming impossible situations through Abba Father's power. In the foreground, Joseph stands as second-in-command in Egypt, Moses parts the Red Sea with towering walls of water on either side, Gideon faces an overwhelming army with only 300 men, David defeats Goliath with a sling, Esther bravely approaches the king, Daniel stands unharmed among calm lions, Shadrach, Meshach, and Abednego emerge unscathed from a fiery furnace, Jonah is released from the belly of a great fish, and Lazarus rises from the dead. In the background, the massive walls of Jericho crumble, illuminated by a radiant heavenly light symbolizing Abba Father's faithfulness. The scene is rendered in an epic and inspiring art style with dramatic lighting and a warm, heavenly glow.

Abba Vader is Getrou

Maar kyk wat het Abba Vader gedoen:

  1. Josef het tweede in bevel van Egipte geword en sy familie se redding bewerkstellig.

  2. Moses en die Israeliete het droogvoets deur die Rooi See gegaan.

  3. Gideon het gewen sonder om 'n wapen te lig.

  4. Dawid het Goliat verslaan.

  5. Ester se volk is gered.

  6. Daniël het ongedeerd uit die leeukuil gekom, sy vriende het ongedeerd uit die vuur gekom.

  7. Jona het berou getoon en die walvis het hom uitgespoeg.

  8. Die dissipels het gesien hoe 5000 mense geëet het met 12 mandjies oor.

  9. Lasarus het opgestaan uit die dood.

  10. Jeremia het 'n profeet geword.

  11. Timoteus het 'n kerk gebou.

  12. Abraham het die vader van baie nasies geword.

  13. En die mure van Jerigo het geval!

    A dramatic and awe-inspiring digital painting of the moment the walls of Jericho collapse. The massive stone walls are crumbling into dust and rubble, with cracks spreading across them as they fall. A bright divine light shines from above, symbolizing Abba Father's power. In the foreground, the Israelites stand in awe, blowing shofars (ram's horns) and raising their hands in victory. The scene is filled with energy, with dust clouds rising and debris scattering, while the Ark of the Covenant is visible, carried by priests. The atmosphere is one of divine intervention, faith, and triumph, captured in a cinematic, epic style with rich textures and dynamic lighting.
Wat vir jou dalk lyk na 'n onmoontlike situasie, is vir Abba Vader 'n gunstige geleentheid!

Net Abba Vader kan 'n gemors in 'n boodskap verander, 'n beproewing in 'n triomf, 'n toets in 'n getuienis, 'n slagoffer in 'n oorwinnaar!


Abba Vader se krag is sterk wanneer ons swak is. Kom ons begin Abba Vader loof en prys in ons onmoontlike, vreesvolle situasies! Die Abba Vader wat vir ons Sy beloftes gegee het, is getrou en sal altyd getrou wees – maak nie saak hoe onmoontlik, hopeloos of vreesvol die situasie lyk nie!


コメント

bottom of page